Efra Nes 311

Kjörið fyrir brúðkaup, veislur og viðburði í sveit

Við bakka Þverár í Borgarfirði stendur býlið Efra Nes með geysifallegt útsýni til allra átta. Aðeins um klukkustundar akstur er frá Reykjavík að býlinu. Á Efra Nesi er frábær aðstaða fyrir hverskyns viðburði, stóra sem smáa. Auðvelt er að aðlaga salina að hverjum viðburði fyrir sig hvort sem um er að ræða brúðkaup, veislur, fundi eða námskeið. Efra Nes hefur verið gert upp að miklu leiti undanfarin ár og er nú allt í rómantískum sveitastíl, óheflaður en á sama tíma hefur hvert smáatriði fengið athygli. Eigendurnir hafa í gegnum árin safnað að sér fallegum mublum og söguríkum munum sem gefa hverju rými einstakan sjarma.

Salirnir eru tveir ásamt Explorers Room

Fjósið - allt að 130 manns
Hlaðan - allt að 150 manns
Explorers room - 10 manns


Skemmtileg útiaðstaða er fyrir framan Fjósið, en þar má finna verönd með bekkjum og bálstæði. Sem gjarnan eru skreytt með gærum og ullarteppum þegar að kólna tekur. Hljóðkerfi er á staðnum, myndvarpi og allt það helsta til að halda góðan viðburð.

Boðið er uppá fjölbreyttar og gómsætar veitingar, allt eftir óskum hvers og eins sem kokkur staðarins útbýr af sinni kostgæfni úr því ferskasta úr nærumhverfinu að hverju sinni.

Starfsfólk okkar eru sérfræðingar í veislu- og viðburðarstjórnun og eru til staðar í gegnum allt ferlið við að hanna hinn fullkomna viðburð, hvort sem þig vantar veislustjóra, skemmtikrafta, tónlistarfólk, ljósmyndara, skreytingar eða akstursþjónustu.

Fjölbreyttir gisti- og afþreyingarmöguleikar eru í nágrenninu, og því geta allir fundið eitthvað við sitt hæfi og notið góðra daga í Borgarfirðinum.

Gistimöguleikar í nágrenninu

Í nágrenni Efra Ness eru fjölbreyttir gistimöguleikar hvort sem er fyrir einstaklinga eða hópa. Við mælum með Hótel Varmalandi, Hótel Húsafelli, Fosshótel Reykholti, Icelandair hotel Hamri og B59 í Borgarnesi.

Afþreying og náttúruperlur í nágrenninu

Efra Nes er staðsett miðsvæðis við margar af helstu náttúruperlum Borgarfjarðar; svo sem Hraunfossa og Barnafossa, Deildartunguhver, Húsafell, Langjökul, Grábrók og Paradísarlaut. Stutt er í afþreyingu eins og jöklaferðir á Langjökul, bað í Kraumu og Giljaböðum, hellaferðir, gönguferðir, golf og fleira.

Það er tilvalið að flétta saman skemmtilegan viðburð og notalegar stundir í heitri laug eða eftirminnilegar stundir úti í fallegri náttúru í Borgarfirði.